«Үүммүт күнү «Саҥа күҥҥэ» саҕалаатыбыт. «Саха» НКИХ биэриитигэр «Алмаз» култуура киинин норуот айымньытын салаатын салайааччыта Мария Попова уонна МУТ «Арктика» зоотехнига Алексей Винокуров буолан кыттыыны ыллыбыт», — диэн улуус баһылыга Эдуард Платонов сырдатта.
Биэриигэ сүрүннээн Анаабырга таба иитиитин уратытын, суолтатын тула кэпсэттилэр. Улуус иһигэр ыытыллар үлэлэри, ситиһиилэри, инники былааннары аһаҕас эфиргэ көрөөччүлэргэ сэһэргээтилэр.
«Маны таһынан Дьокуускайга буола турар тэрээһиннэри сырдаттыбыт. Биир дойдулаахтарбытын, Сахабыт Сирин олохтоохторун табаһыттар съездтэригэр уонна Анаабыр күннэригэр ыҥырабыт», — диэн баһылык үллэстэр.