Дьокуускай куоракка буола турар “Дети Азии” Оонньуулар чэрчитинэн сибээстээн сынньанар пааркаҕа 2009-2013 сыллаах төрүөх оҕолорго спортивнай-маассабай тэрээһин буолан ааста.
Тэрээһин сүрүн соруга диэн нэһилиэнньэҕэ чөл олоҕу агитациялааһын, ис туругу чэбдигирдии, физическай култууранан уонна спордунан дьарыктанарга угуйуу. Үтүө үгэс быһыытынан тэриллэр спартакиада оҕолорго бырааһынньык тыынын бэлэхтиир буолан, бу тэрээһин кыттыылаахтара бэйэлэрин тэҥнээхтэрин кытта күрэстэһэргэ баҕаларын күүһүрдэр, кыахтарын тэҥнээн көрөн, спордунан утумнаахтык дьарыктанарга көҕүлүүр.
Тэрээһини Россия үрдүнэн Дьиэ кэргэн уонна Саха сиригэр Оҕо саас сылларыгар анаатылар. “Биһиги барытын сатыыбыт, биһиги доруобай көлүөнэбит!” диэн уопсай дефистаах ыытылынна.
Күн-дьыл син тыаллаах буолан оҕолор улаханнык кумаарга кыһамматылар. Ол курдук, уопсайа 20-тэн тахса оҕо кыттыыны ылла. Оҕолор 2 көрүҥҥэ күрэхтэстилэр; орто, улахан саастаах оҕолор 200-400 миэтэрэ дистанцияҕа сүүрдүлэр, кыра саастаах оҕолор 100 миэтэрэҕэ сүүрдүлэр. Итини тэҥэ, мас тардыһыытыгар кииристилэр.
Кыра саастаах кыргыттарга 100 миэтэрэ дистанция сүүрүүтүгэр бастакы миэстэни ылла Эва Спиридонова, иккис миэстэ — Василина Туприна, үһүс бочуоттаах миэстэни ылла Диана Архипова. Уолаттарга бастакы миэстэ буолла Тускул Спиридонов, иккис миэстэ — Дьулуур Лазарев.
200 миэтэрэ дистанцияҕа сүүрүүгэ уолаттарга бастакы миэстэҕэ таҕыста Мичээр Дьяконов. Кыргыттарга Сайаана Корякина бастаата, иккис миэстэ — Айгылаана Степанова, үһүс миэстэҕэ тигистэ Люция Николаева. Улахан кыргыттарга 400 миэтэрэ дистанцияҕа сүүрүүгэ бастакы миэстэ буолла Алена Туприна, иккис миэстэ — Диана Павлова. Уолаттарга бастакы миэстэ — Вениямин Туприн, иккис — Евгений Спиридонов, үһүс бочуоттаах миэстэҕэ тигистэ Тускул Спиридонов.
Мас тардыһыытыгар кыра саастаах кыргыттарга бастаата Уруйдаана Туприна, иккис миэстэ — Сайаана Архипова, үһүс миэстэ Камелия Игнатьева буолла. Уолаттарга бастакы миэстэни ылла Тускул Спиридонов, иккис миэстэ — Дьулуур Лазарев. Орто саастаах кыргыттарга бастаата Сайаана Корякина, иккис миэстэ — Люция Николаева, үһүс миэстэҕэ тигистэ Айгылаана Степанова. Улахан саастаах кыргыттарга бастаата Алена Туприна, иккис миэстэҕэ таҕыста Диана Павлова. Уолаттарга бастаата Вениямин Туприн, иккис миэстэ — Евгений Спиридонов, бочуоттаах үһүс миэстэни ылла Тускул Спиридонов.
Бу курдук, оҕолор бэйэлэрин кыахтарын, сайдыыларын бириистээх миэстэҕэ былдьастылар. Бары миэстэлэспиттэри грамоталарынан, мэтээллэринэн уонна уу харчынан эҕэрдэлээтилэр. Кыайыы көтөллөммүт оҕолор бу тэрээһинтэн санаалара көтөҕүллэн, саҥаттан саҥа кыайыыны ситиһэр баҕалаах тарҕастылар.
Күрэҕи салайан ыыттылар Оҕо спорт оскуолатын дириэктэрэ, тренердара уонна “Алмаас” култуура киинин тренера. Бириистэри туруорда улуустааҕы дьаһалта дьиэтэ.
Кэлэр өттүгэр бу маннык үтүө үгэстэргит, спортка көхтөөх сыһыаҥҥыт өссө да сайда-күүһүрэ турдун диэн, оҕолорго баҕа санаабытын этэбит.