Сааскылаах орто оскуолатыгар байыаннай дьайыы кыттыылааҕын кытта иһирэх көрсүһүү буолан ааста.
Байыас Сааскылаах орто оскуолатын уонна улуустааҕы гимназия үөрэнээччилэрин кытары сэһэргэстэ. Байыаннай төрөөбүт дойдутугар кылгас уоппускаҕа кэлэ сылдьар. Кэпсээнин байыаннай эпэрээссийэ туһунан саҕалаата, Арассыыйа байыаннай сулууспаларын хорсун быһыыларын туһунан кэпсээтэ. Оскуола үөрэнээччилэрэ байыас күннээҕи олоҕун, эбээһинэһин уонна байыаннай уопутун туһунан ыйыталастылар. Оҕолор байыас кэпсээнин бэркэ сэргээн иһиттилэр. Кини саллааттарга тыылтан кэлэр көмө туһунан кэпсээтэ.
Орто оскуола дириэктэрин солбуйааччы И. А. Бетюнская оскуолалар ааттарыттан саллааттарга сурук туттарда, кытаанах доруобуйаны баҕарда. Оскуола үөрэнээччилэрин сулууспалыы сылдьар буойуннарга сылаас тыллаах суруктара бойобуой тыыны көтөҕөллөр.