Сааскылаах орто оскуолатын ахсыс уонна онус кылаастар үөрэнээччилэрэ Анаабыр улууһун дьарыктаах буолуу киинин исписэлииһин Прасковья Тупринаны кытары Н.Е. Андросов аатынан элбэх хайысхалаах унитарнай тэрилтэҕэ ыалдьыттаатылар.
Үөрэнээччилэргэ үүт хайдах оҥоһуллан тахсарын, сылы төгүрүччү үүнэр оҕуруот астарын теплицаларын уонна ас переработкалыыр сыаҕы көрдөрдүлэр.
Оҕолор аһы-үөлү оҥорон таһаарыы хаамыытын, астааһын аныгы ньымаларын билистилэр.
Үөрэнээччилэргэ оҥорон таһаарыыга үлэ уратытын өйдүүллэригэр, астыыр бырамыысыланнас салаатыгар идэни талалларыгар сүбэ биэрдилэр, күн аайы туттар бородууксуйабыт хайдах оҥоһулларын туһунан кэпсээтилэр.