Тохсунньу 17 күнүгэр 1 № “Тугутчаан” уһуйааҥҥа Арассыыйа үрдүнэн Дьиэ кэргэн уонна Өрөспүүбүлүкэбитигэр Оҕо саас сылларын үөрүүлээх сабыллыытын бэлиэтээтилэр. 2024 сылга араас эйгэҕэ бастыҥынан ааттаммыт уһуйаан дьиэ кэргэттэрин чэистээтилэр.
Бырааһынньыгы уһуйаан иитиллээччилэрэ эҕэрдэ ырыанан көрүстүлэр. Уһуйаан бөлөхтөрүттэн төрөппүттэр биирдии эҕэрдэ нүөмэрдэри бэлэхтээтилэр — үҥкүү үҥкүүлээн, ырыа ыллаан эҕэрдэлээтилэр.
Тэрээһин үөрүүлээх чааһыгар сэбиэдиссэй Зинаида Николаевна Спиридонова мустубут төрөппүттэри саҥа сыл кэлбитинэн эҕэрдэлээтэ уонна бары үчүгэйи баҕарда:
— “Ааспыт сылга уһуйааммыт элбэх куоҥкурустарга, күрэхтэргэ, араас тэрээһиннэргэ, улууспут иһинэн ыытыллар тэрээһиннэргэ эрэ буолбакка, өрөспүүбүлүкэ да таһымыгар кыттан, уһуйааммыт аатын ааттаппыппыт. Бу туох баар ситиһиилэрбитигэр тутаах көмөлөһөөччүлэрбит, биллэн турар, биһиги төрөппүттэрбит буолаллар. Куруутун күүс-көмө буоларгытыгар, бииргэ тэҥҥэ үлэлэһэргитигэр улахан махталбын тиэрдэбин. Оҕону сөптөөхтүүк иитии диэн улахан эппиэтинэстээх дьыала буолар”.
Ол курдук, 2024 сыл түмүгүнэн:
- “Самая творческая семья” анал аат кыайыылааҕынан Светлана Васильевна уонна Петр Сергеевич Кириллиннар;
- “Самая отзывчивая семья” анал ааты Иванна Радиевна уонна Ким Геннадиевич Спиридоновтар;
- “Самая активная семья” анал ааты Лилианна Радиевна уонна Хрисанф Афанасьевич Назаровтар дьиэ кэргэттэрэ;
- “Самая ответственная семья” анал ааты Степанида Егоровна уонна Яков Вадимович Максимовтар дьиэ кэргэттэрэ;
- “За воспитание активного и жизнерадостного ребенка” анал ааты Джулия Радиевна уонна Иннокентий Иннокентьевич Мироновтар дьиэ кэргэттэрэ;
- “За воспитание любознательного ребенка” анал ааты Анна Николаевна уонна Виктор Егорович Казаковтар дьиэ кэргэттэрэ;
- “За воспитание доброты и честности в ребенке” анал ааты Прасковья Алеваровна уонна Александр Петрович Ксенофонтовтар дьиэ кэргэттэрэ;
- “За воспитание спортивного ребенка” анал ааты Ирина Алексеевна уонна Николай Афанасьевич Оконешниковтар дьиэ кэргэттэрэ;
- “Семья хранитель традиций” анал ааты Октябрина Александровна уонна Константин Васильевич Стропшалар дьиэ кэргэттэрэ;
- “Почет и уважение” анал ааты Зинаида Андриановна уонна Егор Евгеньевич Андросовтар дьиэ кэргэттэрэ;
Бары анал ааты ылбыт дьиэ кэргэттэргэ уһуйаан аатыттан махтал суруктары уонна сэмэй бэлэхтэри туттардылар. Тэрээһин кэннэ уһуйаан иитээччилэрэ минньигэс астаах фуршет тартылар, үөрүүлээх күнү хаартыскаҕа үйэтиттилэр. Көхтөөх төрөппүттэр сүргэлэрэ бэркэ көтөҕүллэн, уһуйаан иитээчилэригэр махтанан дьиэлэригэр тарҕастылар.