Комсомол 105 сылын көрсө Үрүҥ Хайа нэһилиэгин култуура үлэһиттэрэ уонна библиотеката иилээн “Эн комсомол — мин дьолум!” диэн ааттаах тэрээһин ыытылынна.
Манна бастатан туран нэһилиэк бүтэһик комсомолеһа Сусанна Васильевна Андросова линейка ыытта. Ол кэннэ урукку кэмнэргэ нэһилиэккэ комсомол сэкиритээринэн үлэлээбит Светлана Ильинична Туприна уонна араас сылларга үлэлээбит комсомол чилиэннэрэ Надежда Прокопьевна Туприна, Елизавета Владимировна Иванова тыл эттилэр.
Олохтоох ааптардар “Кыа кыымнара“ түмсүү салайааччыта Аксиния Егоровна Спиридонова бэйэтин хоһооннорун ааҕан иһитиннэрдэ. Комсомолга анаан 30 боппуруостаах викторина ыытылынна. Бүтэһиккэ кыайыылаахтарга уонна кыттааччыларга диплом уонна сертификат туттарылынна. Комсомол бэтэрээннэрэ ааспыт кэм ахтылҕанын ахтан-санаан, сэргэхсийэн, дуоһуйа сынньанан бардылар.