Бүгүн, сэтинньи 6 күнүгэр, Анаабыр улууһугар кэтэһиилээх “Күөх рейс” алтыс сырыытын көтөн кэллэ.
«Якутоптторг» тэрилтэ сибиэһэй хортуоска, моркуоп, хаппыыста, луук, яблоко маны тэҥэ куурусса сымыыта аҕалбытын олохтоохтор үөрэ көрүстүлэр.
Хотугу улуустарга анаан сибиэһэй оҕуруот аһын тиэйии бырагырааматын чэрчитинэн бу сырыыга 4 туонна 900 киилэ сибиэһэй ас кэллэ.
Бүтэһик рейс ахсынньы ыйга кэлэрэ былааҥҥа баар диэн Н. Е. Андросов аатын сүгэр, элбэх хайысхалаах муниципальнай унитарнай тэрилтэ дириэктэрэ Павел Павлович Игнатьев сырдатта.