Быйыл саас «Эдэр ыаллары олорор дьиэнэн хааччыйыы» бырагыраама чэрчитинэн Анаабыр улууһугар федеральнай, өрөспүүбүлүкэтээҕи уонна муниципальнай бүддьүөттэртэн уопсайа 30 000 000 солкуобай суумаҕа сэртипикээттэр туттарыллыбыттара. Бу сэртипикээт дьиэ туттааччыларга эбэтэр ипотекаҕа киирээччилэргэ бастакы усунуос быһыытынан туттарга бэриллэр.
Субсидия кээмэйэ дьиэ кэргэн ахсааныттан тутулуктаах. Уопсайа 2011-2024 сылларга бу маннык көмөнөн 133 ыал туһанна. Быйыл 18 эдэр дьиэ кэргэн хабылынна, онтон 5-һэ элбэх оҕолоох ыал.
Судаарыстыба өйөбүлүн ылбыт ыаллартан Нехоруковтар уонна Мироновтар элбэх оҕолоох дьиэ кэргэттэр буолаллар. Манна даҕатан эттэххэ, Нехоруковтар 2017 сыллаахха сокуонунан холбоһон, Сааскылаахха ДЮСШ-ҕа үлэлии тиийбиттэр. 2018 сыллаахха эдьиийдэрин субэтинэн бырагыраамаҕа уочаракка турбуттар. Быйыл 5 оҕолорун кэтэһэ сылдьан сертификаттарын тутаннар, үөрүүлэрэ муҥура суох. Дьокуускай куоракка чааһынай дьиэ туттар былааннаахтар.
Оттон Мироновтар эмиэ бу өйөбүлүнэн туһанан, Дьокуускай куоракка чааһынай дьиэ туттар баҕалаахтар. Кинилэр 2017 сыллаахха улахан уоллара күн сирин көрбүтүгэр бу бырагыраамаҕа уочаракка турарга санаммыттар. Быйыл 3 оҕолоро кун сирин көрөн, элбэх оҕолоох ыал аатын сүкпүттэр.
Судаарыстыбаттан эдэр ыалга маннык көмө баара олус наадалаах дииллэр. Дойдубут бэрэсидьиэнигэр, өрөспүүбүлүкэбит Ил Дарханыгар, улууспут баһылыгар Эдуард Петровичка, эдэр ыччат уонна дьиэ кэргэн политикатын идэлээх үлэһитигэр Чэмэлиинэ Яновнаҕа өссө төгүл махталларын тиэрдэллэр!