Анаабыр улууһун Бочуоттаах олохтооҕо, СӨ Бэчээтин туйгуна Александр Попов олоҕун биир бэлиэ кэрдиис кэмин — 70 сааһын томточчу туолла:
— Күндүтүк саныыр, убаастыыр кэллиэгэбитин, Анаабыр улууһун Бочуоттаах олохтооҕун, СӨ Бэчээтин туйгунун, Саха Өрөспүүбүлүкэтин Ил Дарханын Грамотатын,»Гражданскай килбиэн» анал бэлиэ хаһаайынын, Сахабэчээт тэрилтэ бэтэрээнин Александр Михайлович ПОПОВУ 70 сааскын томточчу туолан, өрөгөйдөөх үбүлүөйгүн үлэ-хамнас үөһүгэр сылдьан көрсүбүккүнэн итиитик-истиҥник эҕэрдэлиибит.
Эдэр сааскыттан полиграфист идэтин талаҥҥын, үйэ чиэппэрэ харыс да сири халбарыйбакка, идэҕэр бэриниилээх буолан 51 сыл устата үлэлиириҥ үтүө холобур буолар. Баҕарабыт эйиэхэ кытаанах доруобуйаны, дьиэ кэргэҥҥэр дьолу соргуну, үлэҕэр өссө да үрдүк ситиһиилэри, үөрүүҥ-көтүүҥ үксээтин, дьолуҥ-соргуҥ тосхойдун.
«Анаабыр уоттара» хаhыат кэлэктиибэ