Анаабыр улууһун Үрүҥ Хайа нэһилиэгэр оҕолор сайыҥҥы лааҕырга хаар киһи оҥорбуттар. Биһиги тута нэһилиэк лааҕырыгар сибээскэ таҕыстыбыт.
Биһигини кытта лааҕыр салайааччыта Рада Туприна кэпсэттэ:
— Лааҕырбыт аата «Северное сияние» диэн. Хаһыс да сылын үлэлиир. IT, успуорт уонна «Орлята России» диэн хайысхалардаах. Билигин лааҕырга 120 оҕо сылдьар, сэттэ иитээччи үлэлиир. Хоту дойдуга олорор буоламмыт, билигин да хаар уулла илик. Онон лааҕыр оҕолоро таһырдьа тахсан, хаар киһи оҥорбуттара. Раиса Туприна уонна Мария Андросова оҕолору хаартыскаҕа түһэрэн бу сайыҥҥы дьикти көстүүнү үйэтиппиттэрэ.