Аан дойдутааҕы дьахтар күнүн көрсө “Алмаас” култуура киинигэр оскуола саастаах оҕолоругар кэрэ көстүү уонна талаан куонкуруһа буолан ааста. Иккис сылын ыытыллар улуустааҕы сонун куонкуруска Үрүҥ — Хайа, Сааскылаах орто оскуолаларын уонна улуустааҕы гимназия оскуолатын үөрэнээччилэрэ 8 кылаастан 11 кылааска диэри кыттыыны ыллылар. Уопсайа 9 оҕо 5 түһүмэҕинэн күөн көрүстүлэр
Тэрээһини иилээн саҕалаан ыыттылар саха нарын Куота Акакиева Елена уонна үрүҥ уолан Степан Васильев.
Дьүүллүүр сүбэ састаабыгар киирдилэр улуус үөрэҕэриитин начальнига уонна дьүүллүүр сүбэ бэрэссэдээтэлэ Елисеева Любовь Дмитриевна, улуус үөрэҕэриитин иитии уонна эбии үөрэхтээһин отделын салайааччыта Розалия Михайловна Толбонова, “Алмаас” култуура киинин салайааччыта Джулия Радиевна Миронова, улуус баһылыгын солбуйааччыта, улуустааҕы социальнай отделын солбуйааччыта Николай Александрович Андреев, кыраайы уонна этнографияны үөрэтэр түмүл исписэлииһэ Зинаида Спиридоновна Лебедева.
Тэрээһин саҕаланыыта кыттааччылары сыанаҕа таһааран билиһиннэрдилэр.
Айар куонкуруска ыллаан, үҥкүүлээн, сөбүлүүр музыкальнай тэриллэригэр оонньоон талааннарын көрөөччүлэр дьүүллэригэр таһаардылар.
Бастакы түһүмэххэ кыттааччылар сыанаҕа, дьон ортотугар хайдах туттан-хаптан, бэйэлэрин аҕыйах бириэмэ иһигэр чаҕылхайдык билиһиннэрдилэр. Иккис түһүмэххэ кыргыттар бэйэбит сөбүлээн сиир табабыт кыылыттан араас бүлүүдэлэри астаан аҕалан дьүүллүүр сүбэ иннигэр уурдулар.
Салгыы үһүс ырыа — үҥкүү түһүмэҕигэр бэйэлэрин талааннарын көрдөрдүлэр. Кырдьыга даҕаны кыргыттар бары – олус дьоҕурдаахтар. Хас биирдии нүөмэри “ыалдьааччылар” ытыс доҕуһуолунан, күргүөмнээх хаһыынан көрүстүлэр. Төрдүс түһүмэххэ бары кыттааччылары сыанаҕа таһааран викторинаҕа оонньоттулар. Долган омук сыһыаннаах боппуруостарыгар аҕыйах сөкүүндэ иһигэр хоруйдаатылар. Хас биирдии сөптөөх эппиэт баалынан көрүллүннэ. Бүтэһик бэһис түһүмэххэ кыргыттар ийэлэринээн тикпит национальнай таҥастарын тахсан сыанаҕа көрдөрдүлэр. Тэрээһин түмүгэр киэһээҥи мааны былаачыйаларын кэтэн сыана устун кынталдьыһа хаамыстылар.
Дьэ долгутуулаах чаас тиийэн кэллэ. Дьүүллүүр сүбэ быһаарыытынан кыттааччыларга барыларыгар анал аат иҥэриллиннэ уонна биир кыайыылааҕы таллылар. Ол курдук “Мисс креатив” анал ааты оҕо искусствотын иитиллээччитэ Алексеева Сандаара ылла. “Мисс интеллект” анал ааты гимназия 11 кылаас үөрэнээччитэ Андросова Элеонора ылла. “Мисс талант” анал ааты Сааскылаах орто оскуолатын 9 кылаас үөрэнээччитэ Корякина Саяна ылла. “Мисс очарование” анал ааты Үрүҥ — Хайа оскуолатын 9 кылаас үөрэнээччитэ Тарасова Лена ылла. “Мисс грация” анал ааты Сааскылаах орто оскуолатын 9 кылаас үөрэнээччитэ Спиридонова Домна ылла. “Мисс национальный костюм” анал ааты Үрүҥ — Хайа оскуолатын 8 кылаас үөрэнээччитэ Семенова Эвелина ылла. Бастакы “Вице Мисс” Үрүҥ — Хая оскуолатын 9 кылаас үөрэнээччитэ Туприна Леона буолла. Иккис “Вице Мисс” Сааскылаах орто оскуолатын 9 кылаас үөрэнээччитэ Чуприна Ванесса буолла. Муҥутуур кыайыылаах аатын “Мисс Боскуой Куо — 2025” Үрүҥ — Хайа оскуолатын 11 кылаас үөрэнээччитэ Спиридонова Айыына ылла.
«Көрөөччү биһирэбилэ» номинация аатын Үрүҥ — Хайа оскуолатын 9 кыллас үөрэнээччитэ Туприна Леона ылла. Бары кыайыылаахтарга сыаналаах бириистэри уонна сертификатынан харчы туттардылар.
Тэрээһини ырыаннан — үҥкүүннэн киэргэттилэр “Алмазы Анабара”, “Гудейко” үҥкүү бөлөхтөрүн оҕолоро уонна Кэрэчээнэ Туприна.
Күрэхтэһээччилэр бары да талба талааннаахтарын, мындыр сатабыллаах өйдөрүн, уустаан- ураннаан тикпит сахалыы таҥастарын, кэрэ аҥардары хас биирдиилэрин киэргэтэн, симээн көрдөрдүлэр, хас биирдии кыттааччы көрөөччү биһирэбилин ылыан ылла.
Хас биирдии кыыс бэйэтэ туспа уратылаах, киэҥ куйаардыын ситимнээх.