Биһиги клубниканы сайын эрэ үүнэр курдук саныыбыт. Оттон бу кыстыкка киириигэ Анаабыр улууһун Үрүҥ Хайатыгар Лена Ядреева ыам ыйыгар олордубут клубникалара дьэ, астанан эрэллэр. Бу туһунан Лена Ядреева санаатын үллэһиннэ:
— Сибэкки кашпо иһиттэригэр боруобаҕа олордубутум. Биһиэхэ күн киирэн түүҥҥү хонуктар турар кэмнэрэ. Онон клубникаларым фитолампа анныгар тураллар. «Сигарос» диэн эбии аһылыгы кутуохпуттан клубникаларым астарын биэрэн эрэллэр. Бу сарсыардааҥҥы хаартыскалары ыытабын.
Хоту дойду хараҥа күннэрин клубника сэргэхситэр эбит. Сүрэхтээх киһиэхэ туох барыта кыалларын Лена Ядреева холобуругар көрөбүт.
«Саха Сирэ»