Алтынньы 15 күнүгэр Анаабыр улууһун дьаһалтатын көмөтүнэн Н.Е.Андросов аатынан муниципальнай унитарнай тэрилтэ Сааскылаахха коммерческай рейсинэн сибиэһэй оҕуруот аһын уонна сымыыт аҕалла. Олохтоохтор күүтүүлээх астара кэлэн, сүргэлэрэ көтөҕүлүннэ.
Кэлбит таһаҕас 4 туонна 300 киилэ ыйааһыннаах: манна хортуоппуй, луук, хаппыыста, моркуоп, дьаабылыка, мандарин, банаан уонна үөһэ этиллибитин курдук сымыыт баар.
«Ас-үөл бастаан байыаннай дьайыы кыттыылаахтарын дьиэ кэргэттэригэр уонна үөрэх тэрилтэлэринэн тарҕаныаҕа. Ол кэннэ нэһилиэнньэҕэ атыыланыа», — диэн Н.Е.Андросов аатынан муниципальнай унитарнай тэрилтэ салайааччыта Хрисанф Назаров иһитиннэрдэ.
Мария Яроева